ຣັດເຊຍ ປະສົບຜົນສຳເລັດໃນການພັດທະນາ ລະບົບຕ້ານເຄື່ອງບິນບໍ່ມີຄົນຂັບ
ສຳນັກຂ່າວຕາສ ຣັດເຊຍ ເປີດເຜີຍໃຫ້ຮູ້ວ່າ: Rat ຄືລະບົບຍານອະເນກປະສົງຕ້ານພາຫະນະທາງອາກາດ ຫຼື ເຄື່ອງບິນບໍ່ມີຄົນຂັບ
(UAV) ແບບພິເສດ, ສາມາດປະຕິບັດງານໃນທຸກສະຖານະການສູ້ຮົບ. ລະບົບນີ້ໄດ້ຖືກພັດທະນາໂດຍບໍລິສັດ Ruselectronics, ສາ
ຂາໜຶ່ງຂອງກຸ່ມ Rostec ຂອງຣັດເຊຍ, ລະບົບສູ້ຮົບນີ້, ອອກແບບມາເພື່ອປົກປ້ອງເປົ້າໝາຍທີ່ສຳຄັນທັງຄົງທີ່ ແລະ ເຄື່ອນທີ່ຂອງການ
ບຸກລຸກ ທີ່ບໍ່ໄດ້ຮັບອະນຸຍາດໂດຍ UAV.
ລະບົບສູ້ຮົບ Rat ຖືກຕິດຕັ້ງໃສ່ກັບລົດຫຸ້ມເກາະພິເສດ, ພ້ອມດ້ວຍອຸປະກອນຕິດຕາມກວດກາ ແລະ ສະກັດກັ້ນ UAV, ລວມທັງ
ສະຖານີຣາດາ, ລະບົບເລເຊີທິດທາງພະລັງງານສູງ. ອຸປະກອນທັງໝົດເຫຼົ່ານີ້ແມ່ນໄດ້ຮັບການຂັບເຄື່ອນດ້ວຍເຕັກໂນໂລຊີ ປັນຍາປະດິດ (AI)
ທີ່ເກັບກຳປະມວນຜົນ ສະແດງຂໍ້ມູນເປັນຢ່າງດີ.
ອີງຕາມຜູ້ຜະລິດໃຫ້ຮູ້ວ່າ: ລະບົບ Rat complex ສາມາດກວດພົບ UAV ໃນໄລຍະທາງປະມານ 4 ກິໂລແມັດ, ສະກັດກັ້ນ UAV
ເປົ້າໝາຍພາຍໃນລັດສະໝີປະມານ 1.5 ກິໂລແມັດ ໂດຍການຂັດຂວາງຕຳແໜ່ງດາວທຽມ ແລະ ຊ່ອງທາງການສື່ສານຂອງ UAV ຫຼື ທຳລາຍ
ໂດຍໃຊ້ລັງສີເລເຊີໂດຍກົງ ຫຼື ປືນໃຫ່ຍອັດຕາໂນມັດ 30ມມ.
ແຫຼ່ງທີ່ມາ: ໜັງສືພິມກອງທັບ
ວັນທີ 13/03/2024